الخميس، يوليو 17، 2014

اضرب واهرب!

مؤخراً قهرونا بعدد من المواد اللي معلمة بهاد
الكلمة العجيبة: المنتوج الإقتصادي.
بغيت غير نعرف أنا واش كايقصدوا منتوج وطني مغربي..
ولا منتوج اقتصادي زعما اقتصادي اقتصادي= توفير يعني.
ما عرفت بالضبط الخبر اليقين،لايني ما أنا واثقة منه
هو أن هاد الأغراض لا علاقة لها بأي اقتصاد فردي..
الموضوع هو أنه ف العقلية المغربية ديالنا
الأغلبية منا كايمشيوا على سياسة إلا جات على 
درهم جودة ناقص حسن ليا نزيده ونشري راحتي 
وراحة المعدة ديالي واللي تابعها.
واه
على درهم !!
بناقص..
الوالدة مسكينة قهروها بالمنتوج الإقتصادي
في مرجان كل مرة تتقضى..تجي تشكي هاد الحصلة.
معظم منتوجات المنتوج الإقتصادي الطريفة
مهما حاولت عدم الوقوع في فخها ما أن تصل للبيت
حتى تجدها تشير عليك بابتسامة ماكرة.
ايوا الحقيقة الواحد ما يكره يعاون في شئ حاجة وطنية
ولو تكون محبطة وماشي حتى لهيه..
يعني منعدمة الجودة.
لكني أتساءل لا غير من باب الفضول الخاطف..
هل للتنافس الصيني علاقة !!
هل للغزو الشينوي جدة ف الموضوع..الله أعلم.

* يجدر الإشارة إلى أن هذه التدوينة
غير موضوعية بالمرة..
فيها تحامل حاشا لله..
غير أوكان هي لفتة طريفة لا غير 
يعني من باب الغيبة وصافي
واللي مهم ليه يعرف عليه يمشي يقلب
ف غوغل ولا صفحات الصحف الوطنية.

0 التعليقات:

 
Copyright © 2010 مدونة اللي فرط يكرط !!. All rights reserved.