الأحد، أغسطس 11، 2013

المشكلة كانفكرو بلا قياس.

كاين المثل كايقول أرا ما طلع السما ونزل سابع أرض
ما تقضي غير باشما قضى الله..
لكن مرض العصر اللي هو التفكير ما مخلي الواحد
يتمتع ف نعم سيدي ربي عليه..
كا يفكر الواحد ويزيد يفكر ويخمم حتى يخرج فيه
السكر والطانسيون ويبان ليه عرق التخمام والخطر
ف جنب راسه.شوية د الهم مازال ويتطرطق العرق 
ويطيح البنادم.
وعلاش هاد الشئ كله!!
ما حيلتك تفك حصار غزة ولا توكل الشعوب اللي
كاتموت بالجوع، ولا توقف الحروب الأهلية العربية..
ولا توحد شمل العائلات الكريمة اللي نايضة فيها
بين الخوت يا حسرة.
زززز........
 أما الطامة الكبرى هي ملي نعيا نفكر لراسي
وفي آخر المطاف ندير شي حاجة أخرى بالزربة
وعلى غفلة..
تمارة وخلاص


0 التعليقات:

 
Copyright © 2010 مدونة اللي فرط يكرط !!. All rights reserved.