الخميس، فبراير 03، 2011

اخصْ ياريس اخصْ عليك.


1

 ياريس ، كلم بن علي يمكن يفيدك..
على الأقل هو فهم و تفو طار وفر .
الله يهديك ياعم وتشوف قدامك العالم،
حرام عليك يامبارك.
طل من الشباك،
شوف واسمع صوت شعبك،
عمال يصرخ ويهتف ويقول ارحل
ارحل يامبارك.
ارحل ياريس ، أيامك انتهت 
وخلاص راحت عليك .
سلم تسلم ياريس..
لكن شكلك حاتمشي ورا الأمريكان وولاد الذين..
حتى تُطلب حياً أو ميتاً يامبارك.
اسمع مني وانفض بجلدك،
أحسن لك.
اسمع مني بدي مصلحتك،
مع أنك متستاهلش ها القد يا ريس.
سلم ياراجل..
وإنت شكلك خرفت وماعدتش شايف
ولاحاسس بغير الدفء اللي موفره ليك
الوهم وطمعك .

2

وياعيني ..
المرض اشتد والدواء أهو ،
بس دا بُعدك ياغالي.

3
للجزيرة غيروا الفاrكونس
و في العربية قهرونا ..
وماعادنا نتبين الملفق 
من الحقيقة.
والنت
النت قطعوا عن البلد،
لكن مع مين ياحلوين
مع مين ياشاطرين.
الحق له عيون،وأيد
وأرجل يمشي بها.



4

ستات ورجالة، شباب مية المية
ستات خرجوا وقاموا بالواجب ولا أجدع الرجالة
بل أجدع .
تحية ..
تحية للناس اللي تفهم
للناس اللي قد كلمتها.
بس ممكن أسألكم
وأقولكم
هو الناس اياها اللي شغالة على
جهود الناس التانية،وكل مرة تقلب وشها
على الخسران وتضويه على اللي طالع.
السؤال
هوالبرادعي كان مستخبي،
وماظهرشي غير لما الشباب
المصري قام بالواجب..
كان مستخبي فين ماعرفشي! وميش شغلي حتى.
رجال قشة، لابيهشوا ولابيحسنوا..
وحتى ف عز ماهما عارفين انك ميش طايقهم
عمالين يكبسوا على أنفاسك
غصباً عنك، مصالحهم قبل منك..
وماضيعشي البلاد والأوطان غير
الأشكال الوقحة ديه.
وخلوني أقولها ومايهمشي :
الناس النخوة، الجمال والوطنية
لما النهر تدفق،أخذ ف طريقه
الوسخ والقذر..
لكن ياسيدي عجب!
اللي ماانتاش عارفه انه حتى المية النظيفة
تعلق فيها الجراثيم.
بس احنا ميش شايفينها..
احنا ميش شايفينها، بس
لكن أوام لسعاتها والتعفن يبان يبان.
ومصيرنا نعرف وندري..
ويمكن ساعتها يانلحق يامنلحقشي،
احنا وحظنا باا.


5


تخيلت أني
ف لحظة أني،
أقف على الخشبة..
قدامي ناس وناس، منتظريني
أنا
ووحدي.
قدامي ميكروفون على منصة مهذبة بانتظاري،
تخيلت ف لحظة أني
تخلصت من كل مخاوفي،
وبت شخصاً قوياً واثقاً كما في كل الأحلام..
وأني أقول :
أيها السادة مادمت هنا اليوم
اسمحوا لي أن أعلن من مكاني هذا، اليوم
بأني ( جر الكلمات)
أرشح نفسي ترشيحاً رسمياً لرئاسة الجمهورية العربية.

0.0
صمت ، الجمهور مبرمج، ماله دور
ولا حياة فيه..
ساكت جالس ، أشكال بلا ملامح ولا تعابير.
وحدي أنا..
استدراك : ولابلاش منها!
دي أم الدنيا طول وعرض،
شمال وجنوب ، شرق وغرب..
وأنا أقدر ألحق على مين
ولا مين بس ياربي!
خلاص خليها رئاسة تونس ،ممكن جداً.
هو أنا ميش خارجة ليكم من الصالة دي الا
وف ايدي الرئاسة أو دولة.
مالهاش حل يعني ماتفكروش فيها..


هو ميش عندكم أزمة شغالة؟
والحل أهو ،قدامكم
أنا
أنا متوفرة للشغل دا،
ميش مهم قدها ولا حاجة تانية.
نصبوني ريس مافيهاش مشاكل.
لا بجد ميش هزار المرة ديه!!
ميش هو اختيار الشعب،وحرب سلمية عشان الحرية؟
فخلاص محلولة أوام..
نعمل قرعة بين الناس، واللي تجي فيه
هو الفايز بالبلد ..
الله يبارك ليه.
ها ميش بطالة الفكرة ولا ايه!
ولا لكم رأي ثاني يعني؟
إوعى عشان نكون متفقين وواضحين من الآن ،
بلاش مشاكل ياحلوين.

لكني ف تلك اللحظة فكرت
أني
ياحرام ميش قادرة حتى
أحكم نفسي،
ولا أحسن مهمتي،
فنزلت عيني واستحييت من نفسي.

وقلت طيب..
عشان ماء الوجه زي مابيقول العباد:
لا بلاش منها المرة ديات
خلوها فرصة ثانية إن شاء الله.
إن كتب للواحد عمر جديد على هذا الأساس.


6


تحية للشعب التونسي ، للفرد والجماعة..
تحية للشعب المصري، الفقير والغني
المسلم والقبطي..
والسني والشيعي..
المتعلم والأمي.
تحية كبيرة للناس الطيبة ف كل مكان،
بها الحياة حلوة وجميلة لغاية النهاردة.
عقبال بوتفليقة وأبومازن،
عقبال السودان يتحد والعراق يعقل،
ولبنان يكبر باا..
وبلدي حبيبي أجمل، لاعباس ولا أحزاب
لا ألوان ولا أحقاد.


  7


ياريت المراد يتم ،
وياريت يتم المراد.
أصل روح الواحد تعبت، ونفسه يازمن يرتاح..
يرتاح شوية بس
شوية مافيهاش لا حديد ولا قيود،
لا جدران ولا أصنام.
ايه يازمن أقول ايه عنك،
وانت شايف مننا وساكت عننا..
ياترى ايه رأيك مننا.
ألف وادور والخيبة خيبتنا كلنا،
لا ريس طيب يحمينا ،
ولا ست أولى تطيب قلب الريس علينا.^^
دا احنا نكستنا ووقعتنا من هنا لغاية
آخر الدنيا.
ماشيين فاكرين نفسنا
حاجة يعني..
مع أنه احنا كلنا كدا على بعضنا
شوية مخلوقات هبلة،
شايفين نفسنا حتى فوق ربنا..
ياخيبتنا كلنا كدا على بعضنا.



8

أمانة يازمن
الله يستر عليك،
لاتفضحنا أصلنا وساخة،
وبقالنا زمن طويل مااستحميناش،
ونفوسنا ثقلت أوي.
..
امانة يازمن
الصفحة اسودت أوي
ويوم الحساب وقت عصيب،
أرجوك اكتب عننا
خيراً ،
خيراً من شرنا.

لكني عمالة أقول ، والراجل قاعد
في مكانه زي مايكون لاقص بالكرسي
خايف عليه، بيحسسه كل شوية
مهووس ماعندوش تفسير تاني غير كدا.
ياراجل شيوخ وكهنة وناس مابتعرفش ربنا،
قالوا لك ارحم ناسك وأهلك ،
بعد العمر دا كله حرام عليك..
لكن حرام، قلبك الإسود القاسي
اخترت تكون شيطان مارد،
ولسة بتنام ليلك ولكأنك هنا!!
ياسيدي ايه الجبروت داه كله.
عفاريم عليك ،قايم بواجبك
والأمريكان مرتاحين ف بيوتهم،
كما ابناء الذين حبايبك المقربين.
هو لوي دراع باا ولا تحدي قبيح !
الاثنين مابينهم الفرق يعني.
والراجل قاعد على قلب الناس زي الصخر
قاعد براحته،
لا بيخاف من ربه ولا بيستحيي من عباده.
الملك لله ياريس،
خايفة ماتكونش بتعرفها كويس.
لاحول ولاقوة إلا بالله..
صرختي تاهت بالطريق ياناس، شك ولا يقين.
والريس خذوها عني كلمة :
خربة حاتتهد
إن ماكانشي اليوم ، بكرة الميعاد.
فصبراً ياشباب مصر صبراً بعدُ،
إذ لم يبقى مثل ما مضى،
وقد مضى الكثير وبقي القليل،
والنصر الحليف بعون الله
على الباب.

اخص ياريس
اخص




من غير رتوش ولا مساحيق تجميل،
خرجت مني كلمة ورا الكلمة،
بلسان مصري عشان نقول ، حقنا
نفرح بنصركم ف وطنكم .
لأنه إن ماسقطشي الصنم اليوم، محال 
تأتي فرصة مواتية خيراً من هذه.
الله يقويكم أكثر وأكثر
ياشباب وشعب مصر..
ياشباب الأمة الكل.

3 التعليقات:

قوس قزح يقول...

ههههههههههه

ضحكت كثير و انا أقرأ هذا المقال
قلتى كل ما وددت أن أقوله
أخس .. أخس هى افضل شيء الان ..

من أقوى و افضل المقالات هذه الساعه

قرأته كثير

تحياتى لك ..جدااا

أوطـ الزمن ـار يقول...

هههههههههه
بجد حرفك ساخن وكمان [ قميل ]>>باللهجة المصرية ههههه

وبجد شيء مفرح إنه ينتصر المظلوم !!

كان الله في عون الجميع

قوس قزح يقول...

يا ليتك كتبتى 9 و 10 و 11 و 200

جئت هنا لأقرأ مرة أخرى

تحيااتى

 
Copyright © 2010 مدونة اللي فرط يكرط !!. All rights reserved.