الاثنين، ديسمبر 06، 2010

يا الشمعة

خذوها مني نصيحة ،
ووجدوا الشمع ..حطوه قريب منكم
والوقيد حتى هو بطبيعة الحال،
حيث كما تعرفون هذا وقت الفيضانات،
والظلام.
وقت  الظلام  مع  انقطاعات الكهربا المستمرة ،
وبدون سابق انذار.
آه وحاجة أخرى
تعشاو بكري،
نيت باش تنعسوا بكري،
و تفيقوا بكري،
نيت باش تعرفوا آش طرا بكري.
^-^
صافي هذا ماكان .




ف بلادي ،كيما بلادات الناس ححح




نطلعوا السما وننزلوا الأرض
تكنولوجيا و أقمار ووووو ..
لكن في ليلة تصب الشتا وف ساعة تغرق الأرض،
ما لنا غير شمعة تضوي العتمة وتنير الخيمة،
بعدما جرف الواد الدار وخاذ البهيمة وحتى صاحبها وصاحبها..



6 التعليقات:

عزيز يقول...

وفالتالي ديال الشهر كتخرج زبالة ديال الفلوس ونتا عندك غي بولة وحدة فالدار

لاتــــي Lati يقول...

مرحباااااااا بخويا عزيز

ايوا هذا هو النظام
مالينا غير نحدرو الريوس ونشويه عليه
حرفاً حرفا..

من شوية فقط
مشات الكهربا جوج د المرات،
أما كنت ناوية نكتب ليك تعليق
بمناسبة السنة الهجرية الجديدة
السنة ديالنا..
كل عام وانت بكل خير وسعادة خويا عزيز

Dr-Web.Net يقول...

فالحيقية القاضية شوية حامضة عندنا، و الامكانيات المستعملة غير كافية من جميع النواحي، و اهم ما في الامر هو ان التقنيين المستعملين في المغرب شوية كبرو و فاتهم القطار، و مابغاوش يخلي الشباب و الجيل الصاعد ياخد المكان ديالو باش يجر القطار لي واقف مدة هادي..
ايوا لهلا يضلّمها على شي مسلم..

خالد أبجيك يقول...

ما عندي ما نقول أللا.. هذا هو حالنا مع صحاب الحال..

كنت هنا..

لاتــــي Lati يقول...

دكتور ويب
عندنا يامرحبا يامرحبا

ايه ، آدكتور وضعت يدك على الجرح العميق لهاد البلاد الشعيدة.
العجايز شادين ف كراسي العرش ، والبلاد غادا مغمضة ف الظلمة.
فيضانات هاد الهام، فيضانات العام الماضي ، فيضانات العام اللي قبل من الماضي..
نفس الحالة ، نفس النتائج
نفس المشكل ، وحتى شي واحد منهم مابغي يتوب ولا يحشم على راسو.

الله يدينا ف النور ، ولا يسدها ف وجوهنا ماحيينا وخلاص.

شكراً لك

لاتــــي Lati يقول...

أهلا خويا خالد،
وجدتي الشمع ولا داز عليكم تران الفيضانات صافي!^^

الله يفرجها وصافي

 
Copyright © 2010 مدونة اللي فرط يكرط !!. All rights reserved.