الجمعة، أكتوبر 01، 2010

البدء اليوم بتنفيذ مدونة السير الجديدة!!!!!



إذا عرف السبب...بطل العجب، هذي هي ديالنا حنايا دابا..
قالك آسيدي الوز ديالكم بنتو تعرضت لحادثة سير مرعبة ف كازا ،وفقدت فيها جوج الرجلين ديالها!!
فهمتوا علاش دابا مدونة السير الجديدة ، المرعبة .
هاد الشئ اللي كنت كانقولو شحال هذا ، من سنين مضت..
بأنه يخص شئ وزير تجي فيه ، باش يحس بالناس، لكن البنود ديال المدونة الجديدة كارثية..
واه ولا الحبس بحال الضحك!!
ماقادهم  الغرامات والعقوبات ، زادو فيها بزااااف..بلا قياس.
لعب دراري هذا .
والعقل بعداكين هو أن يديرو يدهم ويصلحوا الطرقان ، ويعمروا الحفاري ويبيضوا وجه هاد البلاد..
ثم آجي ... حيث حنايا المغاربة ديما عايقين وفايقين ومساليين لبعضياتنا مزياااااان،
إلا كنت أنا غادي ف حالي وف أمان الله ، وشئ مزغوب قالت ليه الجنة ديالو آجي نقطعو رزق هاد النهار!!
آش المعمول ؟
لأنه ما يجري أننا شعب مطور ، ومسالي نيت ،وراسنا عامر تحرايميات ، "ماشي كلنا بطبيعة الحال " ححححح..
المدونة بالنسبة ليا كاتهمني حيث ماتعرف آش تجيبوا الأقدار ، وتهمني حيث راكبة محترمة للتاكسيات والاتوبيسات ،
وطبعاً راجلة فاعلة يحدث أني لا أجد في مدينتي أي مناطق مخصصة كممرات للراجلين ، وان عبرت الآن
الطريق بشكل عشوائي فعلي غرامة أيضاً ، وهاد الشئ حماق رسمي مزيااااااان!!
والمدونة الجديدة كاتهمني بشكل أكبر لأني لم أتجاوز الإمتحان بعد للحصول على رخصة السياقة.
وبهاد الخصوص تم وقف تداريب  الحصول على رخصة سياقة الكاميو ـ
ان شاء الله أوفق وأختي والجميع الأربعاء الجاي ، ولا يكونش الامتحان النظري -الكود ، واعر والمدونة داخلة فيه..
وما يوقعش أي شئ يوقف الحصول على رخصة السياقة هاد الأيام ، غير يصبرو عليا شوية وهاديك الساعة يديرو مابدا لهم
في حلالهم ومالهم ^^، سير الله يعطيهم على قد نيتهم ، راه فشو ركابينا
الله يستر وخلاص.
مع الإمتحان ، ومع الطرقان ، ومع الحكومة اللي المفروض قبل ما تقرر شئ حاجة تدرس واقعيتها مزياان،
لأنه بالقانون الجديد ، الاقتصاد ماشي غير غايتضرر بل غايتشلل ، لأنه كل شئ غالي أصلاً من دابا!!
فمابالك  ديك الساعة الا غايتم التدقيق ف كل شئ..بل حين سيتم  مراقبة حمولة الشاحنات و العمل على النقص منها،
سوف يغلى كل شئ ضروري للحياة من الخضر الى الفاكهة ، الى كل شئ والسلام!
. رجل الساعة ، رجل السنة وزيرهم هذا كريم غلاب، الذي جاءه الوحي يوماً ، وجات في الناس،
ليته فكر فقط بالتخلص من الاليات ، السيارات والعربات  القديمة التي عفا عليها الزمن ، وصارت تسير في الطرقات
بالبركة والتسليم ، غير مراعية للسلامة أو الذوق العام.
سيارات صدئة تشكل كل يوم ، خطراً على سلامة راكبيها وحياة الآخرين من حولها، هل فكر الوزير غلاب
في تنظيف الطريق من هذه السيارات التي انتهت مدة صلاحيتها من قرن مضى!!
هل فكر باعادة تربيتنا؟ ، لأنه مثل الساعة الإضافية مهما حاولوا ترسيمها ، لا يفلحون.

مازال ما ساليت مع هاد الموضوع د الساعة ، الرجاء فقط هو أنه يتم تطبيق القانون على الجميع ،
ماشي غير على الشعب ، والعفاريت معفيين كعادتنا بكل شئ ف هاد البلاد.

إضافة يوم الاربعاء 13 -10-2010







إضافات الجمعة 15 اكتوبر 2010، من موقع هسبريس :





1 التعليقات:

غير معرف يقول...

وكانت هذه المادة مثيرة للاهتمام للغاية ، وخصوصا أنني كنت تبحث عن أفكار يوم الخميس الماضي هذا الموضوع.

 
Copyright © 2010 مدونة اللي فرط يكرط !!. All rights reserved.