السبت، يونيو 12، 2010

قضية فشي شكل!!

الجو اليوم : زوين بحال ديما، والاستثناء ف المنطقة ديالنا ،الحمدلله واللهم لا حسد..
ما كيانش التفاح هاذي ثلاثة د الأسابيع!!
ماشي ماكاينش ، من هاد الناحية كاين ولكن فالسو
واه تفاحة قدها قد البرقوقة ، ضعيفة وصغيرة و ما فيها قطرة د الماء!!
التفاح آسيدي غالي ، قالك 15 درهم للكيلو الواحد
وعلاش ياودي .. ما لنا غانموتوا الا ما كلينا الحلوف ، ديال التفاح
- لاواه النعمة هذي ما كاين لاش نغلط عاود تاني ، أعتذر-

ايوا العجب هذا ، زدتوا فيه عاود تاني !!
مرة ماطيشة مرة بطاطا مرة البنان ، مرة ..مانعرف.
في حياتي الأولى كنت كانفطر بالتفاحة ونمسي بعصير برتقالة، لكن دار الوقت ومابقات عندي شهية لا للتفاح ولا البرتقال،
وحتى البنان مــــــــرة مرة .
لكن الأيام الأخرانية كل ساعة تلقاني هازة المسائل المطلوبة وكانعصر ف الليمون = البرتقال بوحده بلا سكر بلا والو
حيث هو أصلاً حلو ..
أما تفاح ما زال ما رجعت ليا الشهية نتاعو

5 التعليقات:

أبو حسام الدين يقول...

ماشاء الله هذه مدونة أخرى من المدونات التي عرفتها من خلال لعبة التوريط جميل.

مدونة رائعة هادفة مواضيعها مختلفة أسلوبها سهل ممتنع...

يسعدني أن أكون هنا، وأدعوك للتواصل.

وشكرا.

لاتــــي Lati يقول...

الأخ أبو حسام الدين أو الأخ رشيد

إنها لعبة ماشي بحال كاع اللعب
أسميها مشروعاً اجتماعياً للتعريف
ببعضنا البعض
ففي زحام المدونات العربية
المصرية
عانينا الكثير في البحث عن مدونات ولاد بلادنا السعيدة ..
مدونات عربية لان الفرنسية ما كاين غيرها.

طبعاً اشكرك على تعليقك المشجع بزاف

وان شاء الله دايماً خير الاخوة

شكراً لك

خالد أبجيك يقول...

أختي الكريمة، غلاء المعيشة هو ديدننا منذ أو خرجنا لهاته الدنيا السعيدة. ألا تعلمين أن المغرب من أغنى البلاد في العالم؟؟ دخلنا ينافس دخل فرد في الولايات المتحدة.. حتى الأزمة الاقتصاديةالعالمية، الحمد لله، لم نشعر بها، لأننا نعيشها كل يوم وحين.. فلا تستغربي.

واشري التفاح والبنان والقوق كاع.. راه لفلوس موجودة، أنا عارف أنك مخبياهم تحت المخدة هههههههههههههه

كنت هنا..

لاتــــي Lati يقول...

ماشاء الله
بانو ليك من تما زعماكين!
تبارك الله عليك حافظ سور الشارفات مع راسك^^
معاي ما يقدرش الدرهم يزلج
ماكاينش يحلم يتجمع مع خوه، يمشي يمشي
مالي انا نتسنى نشري الديسير ونقشر فيه
علاه هاد تمارا كلها،0.0
نجيب الحلويات والسكريات جاهزة نيت
لكن فاكهتي التي لا استغني عنها هي الكتب والكراسات..
فلوسي اخاي مشاو ف الكتب
وياحسرة وقت الازمة د الصح ما يجيبو لدي حتى عشرة دراهم صرف.

خالد أبجيك يقول...

ههههههه

نت بحالي، أختاه، أنا أيضا ممن ابتلاهم الله بشراء الكتب، كإخوتي..
حتى امتلأت مكتبتنا وبتنا نخزن ما نشتريه في صناديق الكارتون إلى أن يأتي الفرج ونبني بيتنا نجعل فيه غرفة خاصة بهاته الكتب..

نعمة الشهية تلك.. ونعمة الفاكهة..

كنت هنا..

 
Copyright © 2010 مدونة اللي فرط يكرط !!. All rights reserved.