الخميس، سبتمبر 03، 2009

الحدود في بلادنا السعيدة!

أي أي
شوية مادرتها، شوية مامشيت فيها عاود تاني،
بالحق الله ديما كايحفظ وخلاص،
ايوا سير تكتب نتا على الحكومة ولا على صحة الملك،
باش تشوف آش كايترا للشجعان وفرسان الصحافة!
قالك لليوم الثالث التحقيق مع صحفيين من جريدة الجريدة الأولى، كتبوا وقائعاً كاذبة عن مرض الملك،
لقاني الخبر على الجزيرة امبارح قلت لخويا اللي طالب فالقانون أو الحقوق
بحال بحال ياك!! ^0^، قلت ليه أن حسني مبارك حاكم وسجن أكثر من مدير جريدة
ف مصر حين كتبوا عن صحته حين كان مريض، قلت ليه العجب ف هاد الناس،
العجب هاد الشئ اللي كايخرج منا غير حنايا العرب!!
قالك حرية التعبير ولا حرية الصحافة، سير آولدي فين تلاح،
والشعارات الزوينة ديالهم اللي كايخطبوا بيها ف القمم والمؤتمرات العالمية غير كايضحكوا علينا بيها،
وهاهي الدنيا ماشية مزيان!
هذي هي المرة الثانية اللي فضلت السكات على تدوينة فضولية مني،
المرة الأولى التدوين عن إشاعة وطنية بأن الـ ححححح تزوج المرة الثانية!!
بالنسبة لي نكرت عليهم الخبر وقلت ليهم ماشي من حقو لإنه مثال عال أحترمه ولا أقبل أي كلام فيه،
والزواج أربع شرع ربي، لكن ..مالها الأولى مناش كاتشكي؟
ومازال ربي عطاه جوج وليدات شحال زوينين وظراف
الله يخليهم ليه يارب.
والمرة الثانية هي إشاعة وطنية جديدة عن أن الملك مريض ، وسعدنا بأنه بخير
وتأكد الخبر حين بدأ بعد أيام الدروس الحسنية ،
السلسلة الرمضانية التي تعرض مباشرة على التلفزيون.
اللي بغيت انا يفهموه جميع، هو أننا ماشي كلنا كانكتبواعن الملك بسوء وباغين الشر،
حنايا كانحبو الملك ديالنا، وخيار الكلام أنه على سلامته
والله يطول ف عمره بصدق.
أما ماحدث من الجريدة الأولى هو أنها نشرت مقالاً من راسها، مع العلم أن لديها نسخة من بلاغ
وزارة القصور الملكية والتشريفات والأوسمة!!!! عن حقيقة الوضع:
حيث" أعلنت يوم 26 غشت أن الملك محمد السادس تعرض لالتهاب من نوع روطا فيروس
مع أعراض في الجهاز الهضمي وحالة اجتفاف حاد تطلبت فترة نقاهة لمدة خمسة أيام".
طبيعي أن الملك يمرض!!ياك؟
سعداء أنه استعاد عافيته فعلى سلامته

0 التعليقات:

 
Copyright © 2010 مدونة اللي فرط يكرط !!. All rights reserved.