الجمعة، أغسطس 07، 2009

الأهم بالموضوع رمضان!

وكأن الدنيا كلها خوات من الهضرة، ومابقا مايتقال ولا مايتكتب!!
المشاكل ديالي النفسية أنا مازال مابغات تفك مني ولاتبعد شوية حتى.
مشاكل العالم ستظل مشاكلاً عايشة وحنايا عايشين معاها حتى ياخذ مو الأمانة أمانته،
لأنه يستحيل يكون هنايا الإنسان ومايكونشي مشاكل ، بل وكوارث على أعلى مستوى.
الحمدلله..
الصيف 2009 للآخرين، إما حنايا أصحاب الدار ماعندنا مانديرو بيه
ومع الخدمة العطلة الصيفية للمعطلين واللي عصرو الدوسيات باش يشدو الفاكونس
باش ما كان!!.
البحورات والرحلات، والخرجات الأسرية/ العائلية،
هذا الشئ الوحيد المهم اللي افتقده
قليلاً فقط ^^. كون الأغلبية بقاو ف ديورهم لأسباب خاصة بهم،
وتغيير البعض الآخر لاتجاهه
ناحية الشمال مرةً آخرى!
مثلاً البحر،أو الشاطئ ولات شي حاجة كبرنا عليها بزاف نيت،
لأنه إلا كنت غير غانمشي باش نجلس وحاول مليون مرة ومرة باش تبقى عينيك
على الموج والرملة والصخر ، ماشي على بني آدمين، فهذي شي حاجة ...هاها
لاأقصد شيئاً، لكن الحق حق آعبد الحق!
أما المهرجانات والسهر فهاد الجوج مايتوافقوش بتاتاً بالنسبة ليا، كان السهر لكن برا مستحيل،
والسهرات الشعبية باسم المهرجان لاتمثل أي اهتمام ليا كيما قلت دابا،
ومع الخدمة هاد العام ولا السهر محاولة متعبة لتسلق قمة جبل!! سبحان الله العظيم وليت كانعيا
ومايوذن العشاء ونصلب الزربة حتى كاتكون رجليا طابت من الوقوف ومن التعب .
ايوا أيام الراحة مشات، وولات ايام العمل والجد.
المهم رمضان قرب، قرب بزاف
والجو الروحي هاد العام فشي شكل!!
ناقص شوية أستغفرُ الله، لايني هذه هي الحقيقة اللي أنا حاساها..

0 التعليقات:

 
Copyright © 2010 مدونة اللي فرط يكرط !!. All rights reserved.