الخميس، يوليو 09، 2009

فضيحة: حالة جوج ثم يعممون جميع المغاربة!!



الله ياخذ فيهم الحق، الله ياخذ فيهن الحق!!
تشوهنا واك واك الحق،شوهونا شي المغربيات الله يسمح ليهم
الله يسمح ليهم وخلاص!.
ولا بناقس،لاهلا يسمح ليهم حيث هاد الشئ بزاف
عيب وعار..
لاحول ولاقوة إلا بالله العلي العظيم،
تشوهنا قدام اللي يسوا واللي مايسواش، حرام عليكم أالعدو ماشي خوتنا
بنات بلادنا ودراري مغربنا.
سمعة الفتيات المغربيات ولات ف الحضيض،
وشرفهن ترخص بلاقياس،
وعيب على هاد النوع اللي مايحشم ولايخلي الناس تحشم،
ها الشوارع غاديات جايات،
وها الشات ماكيان غير ويب كام والهضرة بالساعات،
ماعرفينش أنهن ضحكة للغير.
كايصحاب ليهم غايتزوجوا بهاد الطريقة،
والحقيقة الأزلية هي أنه عمر الراجل يتزوج بواحدة ضحك عليها قدام صحابو،
وكايخليها وسيلة تسلية ليه.
وعيقوا فيقوا ها العار، باركا عليهم من تشويه سمعتنا جميع،
ومن إذلال المغرب بطريقة لم يتمكن من إنجازها عدو من أعدائنا!!
رانا كانفتخروا بانتماءنا للمغرب، وكانعتزوا بعشقنا وحبنا له،
الله يخليكم ماتوصلوناش لمرحلة نحشموا فيها نقولوا حنايا مغاربة!!
بلا مايتشفا فينا العرب ، ويشير لينا العدو الغرب، ويستغل الخيرات ياحسرتي المفسدين.
خليونا زوينين مع البراني ومع بعضياتنا.

0 التعليقات:

 
Copyright © 2010 مدونة اللي فرط يكرط !!. All rights reserved.