الجمعة، سبتمبر 12، 2008

رمضان ..وحشرات أليفة

بسم الله الرحمن الرحيم


رمضان كريم..
ماكانحملش اللف والدوران..
والهضرة القاسحة حتى بمقدمة ماتقدر تغير كونها قاسحة.
رمضان كريم..
صلاة وصيام مقبولان إن شاء الله, ولايني علاه مازال
كايحدد بعض الناس الإسلام في أمور روحانية ويفصلوه عن الحياة..
ويضيقو عليه
في ها الزاوية الضيقة بعد مرور ربطاش قرن..وشوية!!
كيفاه كاتصلي وتصوم نهارك, ويكون عندك القلب باش تقتل ؟
حروب أهلية بين العباد..على قطعة أرض لاتساوي قطرة دم تنزف عليها
أو روحاً تزهق فوقها.
علاه حنا بالعقل بحال هادوك النصارى والكفرة بالله!
ماعندنا ذمة ولاعقل كايفكر ويدبر قبل مايسمح لعمى الالوان
والقيم يغلب على بصيرته؟
لعراق..آآآآآآآآآآه
فلسطين..آآآآآآآآخ!
دارفور والسودان والصومال..وووو
جنوب وصحرا, علاش يابني آدم..علاش
بكل اللغات..واك واك الحق مالنا ولينا الآت مبرمجة على التدمير!
آش خصنا من خير ونعم لاتعد ولاتحصى..
علاش مانلوحوا علينا العجز ونتخلصوا من اللامبالاة ونتغيرو براكا خلاص!
ياله من خطاب ممل, ويالها من صرخة انهكتني ولم تبقي على ذرة عقل لدي.
كيفاش بغيت العالم يتغير ويدير عقله
ورمضان ماعاد ليه من احترام ولاتقدير..عند شي وحدين فقط
شد شد ..فار فار
قتل باباه.
اهااها سراق زيت "صرصور" بجغ باباه..ايوا مزيان
داير انا ملجأ حشرات ف داري ولا!!
التعطش للدماء والقتل هل غدت صفتكم؟
قد لاانتظر الرد, بينما قد أحمل حذري فوق كتفاي وارقب الغدر.
رمضان كريم
مرة مرة كايدخل فار ولا صرصور مافيها باس نستضيفهم شي يامات (أيام)
ف سبيل الله.ماكاين مشكل!
المشكل هو هادك بنادم اللي محساد وغير كايشم ريحة حشرة كايركب راسو
ويشمر على يديه النظاف باش يقتل ف الارواح.

1 التعليقات:

http://elmafjoue.maktoobblog.com/ يقول...

سرني التعرف على هذه المدونة الفريدة
تحيتي ومودتي

 
Copyright © 2010 مدونة اللي فرط يكرط !!. All rights reserved.