الاثنين، يوليو 21، 2008

استثمار أم استعمار!

الأرض محررة!!
من آش؟
من الفرنسيس والسبانيول زعما!!!؟
أويلي راهم غاد رجعوا يوزعوا فينا ويحصدونا..شوف مزيان يمينك وشمالك..
شوف الديور للسما مرفوعة, لا لا هي لولاد البلاد موالين باش..
رجع شوف عاود تاني اللي داير بيك, فيلات وحدائق وشقق مفروشة محتلة الإحكام جميعها.
هذ نصراني من ماعرفت أشنو..وهاداك يهودي معاه عصابة من عيلتو ..
بلاد الحرية والتساع هاد المغرب مسكين.اللي باغي شي حاجة يجي يلقاها ويديرها عندنا.
واك واك آعباد الله!!
خوي و ..لينا بلادنا.المغرب ديالنا , لولادو ماشي لغرابو..والعدو.
باسم السياحة تحلت جميع الابواب..
وباسم الديمقراطية تبنات الكنائس والمعابد ..
باسم العولمة ولات السفارات مقر المخابرات والانتربول بلا اي قانون ولا تبعيات..
باسم الفن ولات ثقافتنا كاتمحى وتتمسح من الوجود ..باش نوليو نعبدو سيادنا الغربان..
مرحبا وزيد الف مرحبا
وحنا نخويو (نهجر-نفرغ) بلادنا ووطنا نسمحوا فيه وماندوروش ورانا..
مابغيت كل بلاصة تغلق ف وجهي باسم "المنطقة السياحية" خاص بالسياح!
مايرضيني تسد عليا فنادق ومطاعم على الطريق لاني ماقدرت ندفع فاتورة خيالية
والسبب هي مختصة ف الاجانب والسياح..
انا ف بلادي واك واك اعباد الله..
باركا

0 التعليقات:

 
Copyright © 2010 مدونة اللي فرط يكرط !!. All rights reserved.