الجمعة، يوليو 18، 2008

جلس نهضر معاك بلاتي



طخ طخ..
المسخوط رسب وغايعاود السنة..
ماترحموش ..مييك عليه!!
!!
كنت كانضحك زمااااااااان كلما سمعت خبراً بأن طالباً ما انتحر أو جن.
حيث كان كايجيني فشي شكل..واه غريبة بزاف كاع!!!!!
اشنو زعما..؟ انتحار لرسوب قسم !
كانظن ماشي نهاية العالم التلميذ أو الطالب يعاود القسم أو الموسم الدراسي..
وخا شئ اولياء أمور.. الله يهديهم وخلاص, زعما كايصرفوا من جيبهم
وكايشريو الكتب والمواد المدرسية
هي عندهم حق عقاب الابن أو الابنة على نتيجة هما المساكن على الأغلب مابغاوش يجيبوها.
بلاتي بلاااااااااااااااااتي..
شوية علي .. طخ طخ طخ طخ
ماوصلوا مدرسة, ماعرفوا معلم ماشافوا مدير,
ماقسم زاروا ..ما كتاب حلوا, وقت الفروض شكون كايراجع معايا؟
وقت الامتحان شكون كايسهر حدايا؟
وقتما كايجري علي الحارس العام شكون كايدخلني ؟ واحد من الزنقة ماعندو مايدير
كانخلصوه جوج فرانكات ف سبيل لله ويعمل راسو باا ولا خويا!!
تقنية قديمة كاع..عايقة بزاف ولكن مايزال العمل بها معمول.
اسي مولاي ايلا بغيتي الحلم يتحقق ف ولدك ولا بنتك , سير شوف السي المدير
وتعرف على المعلمين والاساتذة, ويمكن حتى تساهم ف الانشطة.. الله يودي مانكرهوش
"عطي باش تجني"
خذها مني نصيحة فضة..فابـــــــــــــــــــــــــــــــــــــور
غير عطي الاهتمام لولادك شوية..ولا بزاف نيت.
وساعتها لابد لحلم أن يكون حقيقة.
كل سنة دراسية وولادنا احسن حالاً ماشي ف النجاح وصافي..
بل فيما حصلوه من تعليم وماتلقوه من تربية كذلك.

0 التعليقات:

 
Copyright © 2010 مدونة اللي فرط يكرط !!. All rights reserved.